Lamentazioni

Ancoi son straca e stufa, anca se no ò fat quasi gnent. Saria stà meio se avesa fat i esercizi per doman, ma no gavevo propri voia e adeso me 'n manca ancor uno e mez.
Però 'n compenso son nada a Reutlingen co' la Damiana, aven fat 'n giret per 'l mercà de Nadal e aven comprà le perseche con la ciocolada.
Stasera è vegnù 'l Pietro a domandar cossa che doven far per far 'sti benedeti Diplomprüfungen, ma no 'l so gnanca mi tant ben, sen i primi e doven daverzerghe la strada a tuti, che vol dir che doven rangiarne e sperar de far le robe giuste.
Ancoi l'è santa Klaus, ghè zent che va a la festa, ma me par che tut 'l sia 'na scusa per divertirse 'n dì de pù. Ma perchè i gà tuti bisogn de 'na scusa? i poderìa farla lo stes la festa, senza tirar 'n torno anca i santi.
L'è meio che vaga a farli, 'sti esercizi, se no devo star su stanot o desmisiarme prest doman matina.
Me sembra de eser 'l Trentista, che 'l se lamenta sempre che l'è stuf de studiar e che 'l gà masa da far, e no 'l vol pù eser 'n Trentista. L'è nà perfin co 'i 'nzegneri per no averghe pù a che far co' la matematica...